Лезде сұлулық жасаймыз
Сұлу келбет иесінің өзіне де, оны қоршаған адамдарға да ғажап әсер етеді. Сіздерге өз өмірімнен бір мысалды келтірейін. Мен бір жаққа жолға жиналған кезде, әрдайым жақсы макияж жасаймын (кешкі деуге де болады). Яғни, мен өзімді сұлу бикешке айналдырамын. Және де мұның сиқырлы әсері бар. Айнадағы әдемі бейнең өзіңе деген сенімділік ұялатады – бұл, әрине, жақсы. Бірақ сұлулықтың айналаңдағы адамдарға қалай ықпал ететіні – тіпті керемет.
Маған ер адамдар, жұмыс орындарында болған кезінде әрдайым қошемет білдіріп жатады. Кейде кеден бөлімінде күлімсіреп, артық сұрақтарсыз жылдам қызмет көрсетеді, ешқашан сөмкелерді тексермейді, немесе алыс жолға шыққан кезде машинадағы ең ыңғайлы орынды береді, бағасын түсіріп жатады және бірден менің шарттарыма көне кетеді, және өзге де жағымды сәттер жетерлік болады. Мені ең таңғалдырған бір жағдай – мені қызметі бойынша ондай істеуге болмайтын және олардан мұны ешкім күтпеген шекарашылар жолда қалаған жеріме жеткізіп салғаны. Қызығы сол, менімен бірге алыс жолды жаяу жүріп келе жатқан менің жолсерігімді олар өзімен бірге алмады.